PopSquare 中秋節 活動專題

Draw2 燈籠紮作班

燈籠大家就玩得多，有無諗過可以親手紮一個屬於自己嘅燈籠呢?

Draw2工作室開設左公仔燈籠紮作班就可以一完大家嘅心願。講開紙紮燈籠通常都會諗起比較懷舊嘅款式，不過呢個 workshop就一反傳統，主打可愛嘅公仔燈籠。除左可以整Disney嘅Tsum Tsum之外，仲有Q版Marvel英雄同寵物小精靈，過程由起草圖到紮作都係自己一手包辦。

依家好易就可以買到一個好精美嘅燈籠，希望大家透過一手一腳完成繁複嘅工序，可以重溫到兒時得到一個自己鐘意嘅卡通人物燈籠果種快樂。

Tsum Tsum相信唔少女仔都會鐘意

I.R Industrial Revolutionary Workshop 月亮燈工作坊

上次就介紹過灣仔Museum of the Moon，一個月亮突然出現係平時熟悉嘅街道當然有surprise，咁如果今次係一個你自己親手做嘅呢?

I.R Industrial Revolutionary Workshop 推出左個月亮燈工作坊，整個月亮再唔係一件遙不可及嘅事。中秋個滿月就屬於全部人，今年不妨試下送一個只屬於你地嘅月亮俾對方。

Dotted Collective 星空小夜燈工作坊

除左月亮之外中秋仲有咩選擇? 不如簡單啲試下整個星空瓶啦。

Dotted Collective開設嘅星空小夜燈工作坊就可以俾大家創作出一個屬於自己的星空，參加者可以調校出各種獨特嘅色調去點綴自己嘅星空。工序雖然簡單，但相比起月亮燈會有更多可以發揮創意嘅空間。大家不妨根據自己嘅個性去選擇一個適合自己嘅workshop!